ເມື່ອບໍ່ດົນຜ່ານມານິ້, ແຂວງຈຳປາສັກມອບເງິນຄ່າຊົດເຊີຍໂຄງການກໍ່ສ້າງພັດທະນາແຫຼ່ງທ່ອງຜາສ້ວມເມືອງບາຈຽງຈະເລີນສຸກໃຫ້ແກ່ບໍລິສັດອູທິຍານບາຈຽງຈຳປາສັກຈຳກັດ, ພິທີໄດ້ຈັດຈື້ນທີ່ຫ້ອງວ່າການແຂວງ.ໂດຍການເຂົ້າຮ່ວມຂອງທ່ານ ໂສມ ບຸດຕະກຸນ ຮອງເຈົ້າແຂວງໆຈຳປາສັກ, ມີທ່ານ ວັນນະໄຊ ຊາດຕະກຸນ ຫົວໜ້າພະແນກຖະແຫຼງຂ່າວ,ວັດທະນະທຳ ແລະ ທ່ອງທ່ຽວແຂວງ, ທ່ານ ວິມົນ ກິດບຳລຸງ ປະທານບໍລິສັດອູທິຍານບາຈຽງຈຳປາສັກຈຳກັດ,ມີພະແນກການເງິນແຂວງ, ພະແນກ ແຜນການ ແລະ ການລົງທຶນແຂວງ, ເມືອງບາຈຽງຈະເລີນສຸກ, ຕ່າງໜ້າກົງສູນໃຫຍ່ແຫ່ງຣາຊະອານາຈັກໄທ ທີ່ ແຂວງສະຫວັນນະເຂດ ແລະຂະແໜງການທີ່ກ່ຽວຂ້ອງພະແນກຖະແຫຼງຂ່າວ,ວັດທະນະທຳ ແລະ ທ່ອງທ່ຽວເຂົ້າຮ່ວມ.  ເຊິ່ງໃນພິທີມອບຮັບຄ່າຊົດເຊີຍໂຄງການດັ່ງກ່າວ ທັງສອງຝ່າຍ ໄດ້ມີຄວາມເຫັນດີເປັນເອກະພາບກັນ ຄື ບໍລິສັດ ອຸດທະຍານບາຈຽງຈຳປາສັກ ຈຳກັດ ເຫັນດີ ຮັບເອົາງົບປະມານ ຄ່າຊົດເຊີຍໂຄງການພັດທະນາ ອຸທິຍານບາຈຽງ ( ຜາສ້ວມ ) ຕາມມູນຄ່າຮັບຮອງຕາມຂໍ້ຕົກລົງຂອງເຈົ້າແຂວງ ສະບັບເລກທີ 1205/ຈຂ.ຈສ, ລົງ ວັນທີ 6 ທັນວາ 2017 ໃນມູນຄ່າ 2.551.845.884 ກີບ; ແຕ່ເພື່ອເປັນການສະແດງຄວາມຈິງໃຈໃນການແກ້ໄຂ ການຊົດເຊີຍໃຫ້ແກ່ບໍລິສັດ. ດັ່ງນັ້ນ, ອົງການປົກຄອງແຂວງ ຈຶ່ງເພີ້ມການຊົດເຊີຍເປັນ 3.500.000.000 ກີບ ຕາມບົດບັນທຶກກອງປະຊຸມເຈົ້າແຂວງ-ຮອງເຈົ້າແຂວງ ຄັ້ງວັນທີ 25 ພຶດສະພາ 2023.ໂດຍມີການເຊັນບົດບັນທຶກກັນລະຫ່ວາງຫ້ອງວ່າການແຂວງ ກັບບໍລິສັດ ອູທິຍານບາຈຽງຈຳປາສັກຈຳກັດຈາກນີ້ກໍ່ໄດ້ມີການມອບ-ຮັບຄ່າຊົດເຊີຍ ແລະ ໃບຍ້ອງຍໍໃຫ້ແກ່ບໍລິສັດດັ່ງກ່າວໂກຍແມ່ນ.ທ່ານ ໂສມ ບຸດຕະກຸນ ຮອງເຈົ້າແຂວງໆຈຳປາສັກເປັນຜູ້ມອບ.ຮັບແມ່ນທ່ານ ວິມົນ ກິດບຳລຸງ ປະທານບໍລິສັດອູທິຍານບາຈຽງຈຳປາສັກຈຳກັດ; ໂອກາດນີ້ ທ່ານ ວິມົນ ກິດບຳລຸງ ປະທານບໍລິສັດອູທິຍານບາຈຽງຈຳປາສັກຈຳກັດ ຍັງໄດ້ສະແດງທັດສະນະຕໍ່ຄວາມອຸດົມສົມບູນຂອງແຂວງຈຳປາສັກເຊິ່ງທ່ານກ່າວວ່າ ຕາດຜາສ້ວມ ເມືອງຍາຈຽງຈະເລີນາສຸກກໍ່ຄືແຫ່ງອື່ນໆຂອງ.ແຂວງຈຳປາສັກແມ່ນສວຍງາມຫຼາຍເຊິ່ງຫຼາຍຄົນທີ່ມາແລ້ວກໍ່ຢາກມາອີກບາງຄົນມາເປັນ10ກວ່າຄັ້ງ,ປະຊາຊົນຊາວແຂວງຈຳປາສັກຕ້ອງພູມໃຈທີ່ແຂວງຈຳປາສັກເປັນແຂວງທີ່ໜ້າຢູ່,ໜ້າທ່ຽວຊົມ ແລະບັນດາຜູ້ປະກອບການ ແລະທຸກພາກສ່ວນໃນສັງຄົມຕ້ອງຊ່ວຍກັນເປັນເຈົ້າພາບທີ່ດີ,ພ້ອມກັນຮັກວາຄວາມສະອາດຈົບງາມ,ມີຄວາມສື່ສັດ,ບໍ່ເອົາປຽບນັກທ່ອງທ່ຽວເພື່ອເຮັດໃຫ້ນັກທ່ອງທ່ຽວປະທັບໃຈ; ທ່ານ ນາງ ທິລິຍາ ປານມະນີ ຕ່າງໜ້າກົງສູນໃຫ່ຍແຫ່ງຣາສະອານາຈັກໄທປະຈຳຢູ່ແຂວງສະຫວັນນະເຂດ ກໍ່ໄດ້ໃຫ້ສຳພາດວ່າ ແຂວງຈຳປາສັກເປັນອີກແຂວງໜຶ່ງທີ່ມີແຫຼ່ງທ່ອງທ່ຽວທີ່ໜ້າທ່ຽວຊົມຫຼາຍແຫ່ງ ເຊິ່ງເປັນທີ່ສົນໃຈໃຫ້ແກ່ນັກທ່ອງທ່ຽວໄທຫຼາຍ ສະນັ້ນທາງແຂວງຈະຕ້ອງໄດ້ໂຄສະນາກ່ຽວກັບສະຖານທີ່ທ່ອງທ່ຽວໃຫ້ຫາຍຂື້ນ,ສົ່ງເສີມການເຊື່ອມຕໍ່ເສັ້ນທາງໃຫ້ມີຄວາມສະດວກກວ່າເກົ່າ,ຮັບປະກັນຄວາມປອດໄພ ແລະ ມີການໃຫ້ຂໍ້ຄິດກັບນັກທ່ອງທ່ຽວເຊັ່ນວ່າ ໄປສະຖານທີ່ທ່ອວທ່ຽວດັ່ງກ່າວຄວນເຮັດ,ຄວນລະມັດລະວັງແນວໃດ,ຄວນແຕ່ງກາຍແນວໃດ,ເພື່ອໃຫ້ເຂົ້າກັບສະຖານທີ່,ໃຫ້ເຂົ້າກັບວັດທະນະທຳຂອງທ້ອງຖິ່ນ